Хүртээмжийн мэдэгдэл
Тэгш хүртээмж Итгэл үндэсний зөвлөл энэ сайтыг хүн бүр, түүний дотор хараа, сонсгол, хөдөлгөөн, танин мэдэхүйн бэрхшээлтэй хүмүүс саадгүй ашиглах ёстой гэж үздэг. Хүртээмжийн цонх нь InclusiveData.mn платформтой ижил тул хоёр сайтад нэг л аргаар тохируулна.
Стандарт
Зорилт: Вэб агуулгын хүртээмжийн удирдамж (WCAG) 2.2, AA түвшин. Одоогийн байдал: хэсэгчлэн нийцсэн. Доорх хязгаарлалтыг үзнэ үү.
Сайтад байгаа боломж
- Дээд мөрний "Хүртээмж" товч эсвэл Alt + Shift + A товчлуураар нээгддэг хүртээмжийн цонх
- Дөрвөн хурдан профайл: хараагүй ба бага хараатай, өнгөний харааны бэрхшээл, танин мэдэхүйн бэрхшээл, хөдөлгөөний бэрхшээл
- Фонтын хэмжээ (200% хүртэл), мөр, үсэг, үгийн зай
- Хялбар уншигдах Andika фонт (монгол кирилл үсгийг бүрэн дэмждэг)
- Өдөр, шөнө, өндөр тодрол. Үйлдлийн систем дээр ялгарал нэмэх тохиргоо асаалттай бол өндөр тодрол автоматаар асна
- Өнгөний шүүлтүүр (хар цагаан, тод, бүдэг), унших дэвсгэр (сепиа, хар-шар, шар-хар)
- Холбоос, гарчиг, контент тодруулах, уншлагын чиглүүлэгч, том курсор
- Хөдөлгөөнийг багасгах, хөдөлгөөнт зураг ба логог зогсоох товч
- Бүх хэсэгт гарын товчлуураар хүрэх, тод харагдах фокус
- Дэлгэц уншигчид зориулсан гарчиг, landmark, зургийн тайлбар, өөрчлөлтийн мэдэгдэл
- Монгол, англи хэл. Windows-ийн өндөр ялгаралтай горимд зөв харагдана
Мэдэгдэж буй хязгаарлалт
- Зарим зураг түр зуурынх бөгөөд хэвлэл мэдээллийн усан тэмдэгтэй. Зөвлөлийн өөрийн зургаар солигдоно.
- Түншүүдийн жинхэнэ лого хараахан ороогүй, оронд нь нэрийг нь бичсэн.
- Монгол дохионы хэлний видео болон хялбар уншигдах (Easy Read) хувилбар одоогоор байхгүй.
- Гадаад сайтын холбоосууд (хэвлэл мэдээлэл, Facebook) манай хяналтаас гадуур.
Хэрхэн шалгасан бэ
2026.10.30-нд axe-core 4.10 автомат шалгагчаар 11 төлөвт (цайвар, бараан, өндөр ялгарал, англи, мэдээ, нийтлэл, тохиргооны цонх, утасны цэс, 320px, 200% үсэг) шалгаж, гарын товчлуураар шилжилтийг гараар шалгасан. Дэлгэц уншигч (NVDA, VoiceOver) болон хөгжлийн бэрхшээлтэй хэрэглэгчдээр туршуулах ажил дараагийн шатанд хийгдэнэ.
Санал хүсэлт
Сайтыг ашиглахад саад тулгарвал, эсвэл агуулгыг өөр хэлбэрээр авах шаардлагатай бол бидэнд мэдэгдээрэй. Ямар хуудас, юу болсныг бичвэл хурдан засна.
Цахим шуудан: hello@ncpwd.org · Утас: +976 9404 7874
Сүүлд хянасан: 2026.10.30